要睇羅馬建築唔一定要去意大利，黎巴嫩都係羅馬建築寶地。巴勒貝克城遺址坐落响依家黎巴嫩首都貝魯特以北80公里，入面有公元前一世紀羅馬人佔領巴勒貝克後，興建嘅神廟群遺址。

巴勒貝克响歷史上又叫做「太陽之城」，根據考證，依家巴勒貝克神廟群遺址包括用嚟祭祀羅馬神話嘅神王朱庇特、酒神巴卡斯同埋愛神維納斯嘅神廟。巴勒貝克神廟除咗見證咗古羅馬嘅宗教文化之外，都係羅馬輝煌歷史嘅痕跡。